Propaganduesi i njohur serb parashikon incidente në Kosovë për shkak të Haradinajt

Loading...

Pas parashikimit të sulmeve të shqiptarëve nëpër përfaqësitë diplomatike të Serbisë në Perëndim, propaganduesi i njohur serb parashikon incidente në Kosovë për shkak të Haradinajt.

Kështu, kryetari i Këshillit për Kosovën në Kuvendin e Serbisë, Milovan Drecun, thotë se në periudhën e ardhshme nuk mund të përjashtohen incidente për shkak të situatës në Kosovë.

“Ka paralajmërime se shqiptarë ekstremë dhe sidomos ish-pjesëtarë të UÇK-së dhe të UÇPMB-së mund të ndërmarrin ndonjë aksion eventual të dhunës”, ka thënë Drecun pas takimit në këtë Këshill mbajtur larg medieve e që ka zgjatur tri orë.

“Nuk mund të përjashtohen incidentet në periudhën e ardhshme, sidomos marrë parasysh situatën pas arrestimit të Ramush Haradinajt”, ka thënë Drecun.

Në këtë takim kanë marrë pjesë përfaqësuesit e të gjitha shërbimeve informative të Serbisë të cilët kanë folur për situatën e sigurisë në Kosovë. /Koha.net/

loading...
Loading...

Ju mund të lexoni edhe Më tepër nga Autori