Ish-zëdhënësi i KEDS-it, Viktor Buzhala, ka reaguar pas deklaratës së një kandidates të LDK-së për deputete, Janina Ymeri, e cila e quajti Lëvizjen Vetëvendosje “Vukvendosje”, duke aluduar në biznesmenin serb Vuk Hamoviç.
Në reagimin e tij, Buzhala thekson se Hamoviçi ka qenë partneri kryesor tregtar i sektorit energjetik të Kosovës gjatë viteve 2001–2011, periudhë në të cilën, sipas tij, qeverisja ishte në duart e LDK-së, përcjell “Bota sot”.
Shkrimi i plotë
Një kandidate e LDK-së për deputete që u prezantua sot nga Amkademiku, po e quan Vetëvendosjen Vukvendosje, duke asociuar në Vuk Hamoviç.
Unë po ju them me përgjegjësi të plotë që Vuk Hamoviç ishte partneri kryesor tregtar i Kosovës nga viti 2001 e deri më 2011. Shpeshherë rryma blihej komplet prej tij, pasi prodhimi atëbote ishte për faqe të zezë. Kur nuk kishte Vuku, i ndihmonte Damir Fazliçi. E krejt këto vite LDK ka qenë në pushtet.
