Home Histori Çfarë e bën një vajzë të largohet nga personi që dashuron?

Çfarë e bën një vajzë të largohet nga personi që dashuron?

0
Çfarë e bën një vajzë të largohet nga personi që dashuron?

Nëse një femër ka rënë në dashuri, duket se ajo bënë çmos për lidhjen.

Por, çdo gjë ka limit dhe kur disa limite tejkalohen, ajo largohet edhe nga “mashkulli i ëndrrave” pa menduar dy herë – transmeton Telegrafi.

Më poshtë ju sjellim disa gabime të cilat meshkujt i bëjnë, e të cilat mund ta bëjnë shumë shpejt lidhjen të merr drejtim tjetër.

Nuk dëshiron gjëra të reja

Nëse mashkulli insiston që çdo ditë të shkoni në të njëjtën kafe, të shëtiteni në të njëjtin vend apo t’i bëni pushimet në të njëjtin vend, padyshim se vajza do të mërzitet sepse ai nuk dëshiron që të largohet nga zona e komfortit.

I anulon planet me ju për të dalë me miqtë

Patjetër se nuk ju vjen mirë kur i dashuri papritmas ju lë vetëm për vikend, rrinë deri vonë në mbrëmje, jua injoron thirrjet apo i ndryshon planet që i keni ju dy bashkë.

Nëse është mësuar t’i anulojë planet me ju për të dalë me shokët, atëherë femra padyshim se e kupton që ajo ka pak rëndësi në jetën e tij.

Nuk është afër kur keni nevojë për të

Kjo nuk nënkupton se ai është jashtë qytetit apo ka dalë me miqtë – ai mund të jetë pranë femrës dhe prapëseprapë të mos jetë prezent kur ajo dëshiron të flet për gjërat që janë duke e brengosur.

Ju krahason me femrat tjera

Mund të jetë fjala për ish- partneren, kolegen e tij, apo edhe me nënën e tij.

Në çdo rast, krahasimi i vazhdueshëm i të dashurës me femra tjera është gabim shumë i rrezikshëm që e shkatërron çdo lidhje.