Home Lajme Lista Serbe nuk ndryshon diskurs, akuzon Qeverinë për komplote në veri

Lista Serbe nuk ndryshon diskurs, akuzon Qeverinë për komplote në veri

0
Lista Serbe nuk ndryshon diskurs, akuzon Qeverinë për komplote në veri

Lista Serbe po vazhdon me diskursin e njëjtë.

Kryetari i saj, Goran Rakiq, njëherit edhe kryetar i dorëhequr i Mitrovicës, në një intervistë për gazetën “Politika”, duke folur për taksën, ka thënë se Prishtina po mundohet t’ua veshtirësojë jetën serbëve në veri, transmeton lajmi.net.

“Përpjekjet e Prishtinës për t’ia vështirësuar jetën serbëve të Kosovës nuk kanë të ndalur. Lëvizje të njëanshme, të dhunshme e aktakuza të ngritura ndaj Serbët. Megjithatë, me ndihmën e Beogradit ne kemi arritur të shmangim skenarin e Prishtinës që serbët të ikin nga shtëpitë e tyre”, thotë ai.

Madje sipas Rakiq, KFOR-i duhet të lëshojë sinjal të qartë  se çfarëdo manovre ushtarake në veri nga Kosova është cënim i sigurë së përgjithshme në vend.

Siç thotë ai, KFOR-i ka qenë i papërgatitur t’i mbrojë serbët e Kosovës.

Duke folur për deklaratat e zyrtarëve serbë për veriun, Rakiq thotë se alarmi për ndërhyrje në veri nuk është i gabuar dhe se ata kanë informacione se rrethe të caktuara në Prishtinë po duan të ndërhynë në veri.

Kujtojmë se Lista Serbe, pati dalë nga Qeveria e Kosovës qysh pas aksionit të arrestimit në veri të drejtorit të të ashtuquajturës Zyrë për Kosovën në Qeverinë e Serbisë, Marko Gjuriq.

Ky vendim më pas ishte përcjellë edhe me dorëheqjen e katër kryetarëve të komunave veriore, përfshirë edhe Rakiqin./Lajmi.net/

Loading...