Lladrovci takon komandantin e ri të KFOR-it, flasin për sigurinë në vend

137

Kryetari i komunës së Drenasit, Ramiz Lladrovci është takuar sot me komandantin e ri të KFOR-it, kolonel Nicola Perrone.

Kryetari i komunës së Drenasit, Ramiz Lladrovci ka pritur në takim Komandantin e ri të KFOR-it, kolonel Nicola Perrone të cilit i ka uruar detyrën e re dhe ka mirëpritur bashkëpunimin për ruajtën e sigurisë në vend, shkruan lajmi.net.

Siç bëhet e ditur në njoftimin për media, Lladrovci ka falënderuar misionin e KOFR-it në Kosovë për bashkëpunimin dhe angazhimin e madh në garantimin e sigurisë për qytetarët e komunës së Drenasit dhe ne përgjithësi për Kosovën.

Lladrovci ka njoftuar kolonel Perrone për projektet e Komunës të cilat ka planifikuar për t’i realizuar gjatë këtij viti që janë ne interes të përgjithshëm për qytetarët e komunës së Drenasit si dhe për realizimin e projekteve të vitit të kaluar.

Komandanti i ri i KFOR-it, kolonel Nikola Perron, ka falënderuar kryetarin Lladrovci për takimin dhe ka potencuar se misioni i KFOR-it në Kosovë është për ruajtjen e sigurisë së qytetarëve, njëkohësisht një bashkëpunim me të gjitha institucionet e vendit duke përfshirë komunat, organet e sigurisë, Policinë e Kosovës, FSK-në dhe gjitha institucionet tjera në vend. /Lajmi.net/