Home Lajme Më në fund, nëna Hanë Bytyqi bashkohet me fëmijët e saj

Më në fund, nëna Hanë Bytyqi bashkohet me fëmijët e saj

0
Më në fund, nëna Hanë Bytyqi bashkohet me fëmijët e saj

 

Për rastin kishin njohuri autoritetet kosovare e gjermane. Bytyqit ia kishte marrë burri fëmijët vite më parë

Pritja e Hana Bytyqit për t’i parë fëmijët e saj mori fund.

  
  

43-vjeçarja për më shumë se 8 vjet nuk i kishte dëgjuar e as nuk i kishte parë djalin dhe vajzën e saj, raporton T7.

Thoshte se ata ia rrëmbeu ish- burri i saj nga Qyshku i Pejës.

Në një bisedë telefonike me televizionin T7, Bytyqi tha se pasi ishte ndarë me burrin, ai kishte marrë fëmijët nga ajo.

Bytyqi, e cila jeton në Gjermani, kishte paraqitur rastin para autoriteteve në të dy vendet, por u desh një kohë e gjatë që pritjet e saj të kenë rezultat.

Megjithatë duket se ankthi 8-vjeçar tanimë ka marrë fund për Bytyqin, e cila kërkonte në cdo formë të ritakonte fëmijët.

E kjo më në fund ndodhi.

Nën përcjelljen e mediumit gjerman RTL, Hana Bytyqi më në fund u takua me fëmijët e saj.

Madje, për rastin u realizua edhe një dokumentar nga televizioni gjerman.

E emocionet nuk kishin si të mungonin.

Me gjasë, ritakimin e kishin të vështirë edhe fëmijët.

Siç raporton mediumi gjerman, njëri nga fëmijët fillimisht nuk kishte pranuar të shkojë në Gjermani.

Fëmijët e saj janë 13, përkatësisht 11-vjeçar.

Nga Prokuroria kanë thënë se rasti po vazhdon të hetohet.

 

——————————————–
Ju pëlqeu “Më në fund, nëna Hanë Bytyqi bashkohet me fëmijët e saj”?
Komentoni ose shpërndane me shoqëri.

Loading...