Me ftesë të kryetarit të Kuvendit, Kadri Veseli, ka nisur takimi mes ekipit negociator, kryeministrit dhe presidentit.

Siç raportohet, temë diskutimi pritet të jetë çështja e taksës dhe e dialogut me Serbinë,  raporton lajmi.net.

Lajmi.net ka siguruar një fotografi brenda takimit ku shihet se i njëjti ka filluar me një minut heshtje në nderim të viktimave të aksidentit në Maqedoni.

Kujtojmë, se edhe pas paralajmërimeve nga SHBA-të, kryeministri i vendit Ramush Haradinaj po refuzon të pezullojë taksën ndaj Serbisë.

Ndërkaq, pro një pezullimi dhe jo heqje të saj, janë shfaqur Kadri Veseli e Hashim Thaçi. /Lajmi.net/