Ish-kryenegociatorja e Kosovës në dialogun me Serbinë, Edita Tahiri, ka dhënë një propozim për zhbllokimin e Kuvendit dhe formimin e Qeverisë. Sipas saj, dështimi i katërt për konstituimin e Kuvendit kërkon marrëveshjen që PDK ta ketë kryeministrin dhe Kurti të bëhet president i vendit.
Ajo ka thënë se posti i presidentit duhet t’i kalohet Kurtit pas përfundimit të mandatit të Vjosa Osmanit, të cilën e quan “presidente gojëmbyllur”.
Postimi i saj i plotë:
Ky dështim i katërt në konstituimin e Kuvendit kërkon marrëveshje politike për organet e Kuvendit dhe për Qeverinë e koalicionit në një pako – PDK-së i takon kryeministri, Kurtit duhet t’i premtohet se bëhet president pas përfundimit të mandatit të Vjosës. Kësaj të fundit i vjen keq, por mjaft e ka pasur një mandat si presidente gojëmbyllur që ishte.
