Anëtari i Kryesisë së Lidhjes Demokratike të Kosovës, Alush Gashi me rastin e hapjes së Ambasadës së Republikës së Kosovës në Malajzia, ka kujtuar vizitën dhe takimet e tij gjatë viteve 90-ta, duke thënë se pret me padurim të kthehet në këtë vend dhe të forcojnë më tej bashkëpunimin midis kombeve tona.
Gashi ka shkruar në Facebook se ky moment historik sjell shumë kujtime.
“Në fillim të viteve 1990, pak veta e mbështetën Kosovën aq herët dhe me vendosmëri sa Malajzia. Me dashuri kujtoj takimet tona me miqtë tanë malajzianë gjatë atyre viteve kritike.
Vizita ime në Kuala Lumpur në prill të vitit 1998 si mysafir i qeverisë malajziane – dhe takimi im me Kryeministrin e Shkëlqyer Anëar Ibrahim, i cili në atë kohë shërbente si Zëvendëskryeministër dhe Ministër i Financave – mbetet një moment i rëndësishëm. Kur Kosova shpalli pavarësinë e saj, Malajzia ishte ndër vendet e para që e njohu atë. Pres me padurim të kthehem në Malajzi – një vend miqësie, respekti të ndërsjellë dhe lidhjesh të thella historike – dhe të forcojmë më tej bashkëpunimin midis kombeve tona”, ka shkruar ai.
