Ukraina i ka propozuar Rusisë që një raund i ri negociatash të mbahet javën e ardhshme, njoftoi presidenti ukrainas Volodymyr Zelensky.
Në mesazhin e tij të zakonshëm të përditshëm për ukrainasit, Zelensky tha se Sekretari i Këshillit të Sigurisë së Ukrainës, Rustem Umerov, kishte propozuar “një takim të ri me palën ruse javën e ardhshme”, shkruan Index.hr, transmeton KosovaPress.
Presidenti ukrainas theksoi se ritmi i negociatave duhet të përshpejtohet dhe “duhet bërë gjithçka për të arritur një armëpushim”. Ai shtoi se një datë e saktë ende nuk është përcaktuar.
Presidenti i SHBA-së, Donald Trump, shprehu të hënën pakënaqësinë e tij me Moskën dhe presidentin rus, Vladimir Putin. Ai i dha Rusisë 50 ditë kohë për një armëpushim në Ukrainë, duke kërcënuar me sanksione dytësore.
