Bashkimi Evropian ka dënuar prishjen nga Izraeli në fillim të këtij muaji të një shkolle në fshatin e pushtuar të Akqabës në Bregun Perëndimor, e cila po ndërtohej me fonde të BE-së dhe Francës.
Shkolla, e cila u shemb nga autoritetet izraelite më 5 gusht, ishte menduar t’u shërbente qindra fëmijëve palestinezë.
Në një deklaratë, një zëdhënës i BE-së tha se blloku është “i tmerruar” nga prishja dhe “pret që investimet e tij në mbështetje të popullit palestinez të mbrohen nga dëmtimet dhe shkatërrimet nga Izraeli, në përputhje me ligjin ndërkombëtar”, citon Al Jazeera.
Franca gjithashtu e dënoi më parë prishjen, duke deklaruar se “po i mban autoritetet izraelite përgjegjëse për këtë veprim”.
