I arrestuari sot ne veri për sulm ndaj pjesëtarëve të Policisë dhe KFOR-it, është Ljubisa Milkovic, mëson Tëve1.
Ai dyshohet për pjesëmarrje ne sulmin e 29 majit ndaj Policisë se Kosovës dhe KFOR-it në Zveçan.
Kujtojmë, se Prokuroria Speciale ka njoftuar se është arrestuar dhe ndaluar për 48 orë, L. M, i dyshuar për sulm ndaj KFOR-it dhe Policisë së Kosovës gjatë trazirave në Zveçan.
Sipas njoftimit ai është arrestuar pas zhvillimit të hetimeve disa mujore.
“L. M. dyshohet për veprat penale: bashkim për veprimtari kundërkushtetuese, rrezikim të personave nën mbrojtje ndërkombëtare, pjesëmarrje në turmë që kryen vepër penale dhe huliganizëm, si dhe sulm ndaj personit zyrtar”, thuhet nga Prokuroria Speciale.
Bëhet e ditur se me autorizim të prokurorit, janë zhvilluar bastisje edhe në shtëpinë e të dyshuarit, ku janë gjetur prova materiale që vërtetojnë veprimet inkriminuese të të dyshuarit.
“Brenda afatit të përcaktuar ligjor, ndaj L. M. do të parashtrohet kërkesë për caktimin e masës së paraburgimit në Gjykatën Themelore në Prishtinë”, thuhet në komunikatë
