Dashi – Ditë e ndërlikuar kjo e sotmja për të gjithë ata që janë në një lidhje. Nuk do kuptoheni aspak me personin që keni në krah. Qëndroni pak kohë larg dhe reflektoni për të ardhmen. Beqarët do ia shprehin hapur ndjenjat personave që do pëlqejnë. Paratë nuk do jenë në gjendjen më të mirë, kështu që bëni kujdes dhe mos shpenzoni shifra marramendëse.
Demi – Bëjini sytë katër gjatë kësaj dite juve që jeni në një lidhje. Disa persona të jashtëm do mundohen t’iu prishin punë dhe t’ua marrin nga duart atë që keni në krah. Beqarët do arrijnë më në fund ta bëjnë për vete personin që aq shumë kanë pëlqyer. Situata financiare do ketë ulje dhe ngritje të shpeshta. Nuk është koha për të dhënë hua apo për të bërë investime.
Binjakët – Pasioni në çift do shtohet sot. Do ndiheni më mirë pranë atij që dashuroni dhe gati për të marrë edhe ndonjë vendim për të ardhmen. Beqarët më mirë të qëndrojnë vetëm sepse jeta mund t’iu ndërlikohet më tepër nëse fillojnë ndonjë lidhje. Në planin financiar do kaloni disa vështirësi, megjithatë do arrini t’ia dilni me sukses. Nuk do e lëshoni veten asnjë çast.
Gaforrja – Venusi dhe Marsi do kujdesen mjaft gjatë kësaj dite dhe do iu ndihmojnë t’iu gjeni zgjidhje të gjitha problemeve që keni në çift. Gjithçka do shkojë më së miri. Beqarët do vazhdojnë të jenë në kërkim të shpirtit binjak, por pa fat. Në planin financiar situata mund t’iu dalë tërësisht jashtë kontrollit nëse nuk merrni sa më shpejt masat e duhura.
Luani – Do iu duhet ende shumë punë për t’ia mbushur mendjen partnerit se nuk do e gënjeni më dhe do tregoheni të sinqertë me të. Buka e thyer nuk ngjitet më. Gjithmonë ai do ketë hijen e dyshimit. Beqarët nuk do e vuajnë aspak vetminë, megjithatë pritet të ndodhin disa takime impresionuese. Të ardhurat fatmirësisht nuk do kenë asnjë lloj problemi.
Virgjëresha – Pasioni do shtohet papritur sot në jetën tuaj në çift dhe vetë do mahniteni nga gjërat që do ndodhin. Shfrytëzojeni çdo sekondë sa më shumë që të mundeni. Beqarët do realizojnë takime mbresëlënëse të cilat kanë për t’ua ndryshuar përgjithmonë jetën. Financat nuk do jenë të këqija, por nëse doni që të keni përmirësime duhet të flisni me specialistët.
Peshorja – Klima në jetën tuaj në çift do fillojë të ngrohet pas një periudhe me debate dhe mosmarrëveshje. Do i kuptoni gabimet dhe do dini të kërkoni falje. Beqarët nuk do jenë shumë të shoqërueshëm dhe nuk do mundin ta ndryshojnë statusin. Në planin financiar perspektivat janë të mrekullueshme. Do jeni shumë të qartë për hapat që duhet të hidhni.
Akrepi – Në jetën tuaj në çift do ndodhin gjëra të jashtëzakonshme gjatë kësaj dite. Rutina do marrë fund dhe emocionet do jenë më të fuqishme se kurrë më parë. Shfrytëzojeni ditën sa të mundni. Beqarët duhet të mendojnë më shumë për të ardhmen dhe jo të hidhen në krahët e dikujt vetëm për disa emocione të momentit. Në planin financiar do jeni shumë të kujdesshëm.
Shigjetari – Ditë e mrekullueshme kjo e sotmja për ata që janë në një lidhje. Do bini dakord me partnerin tuaj për gjithçka dhe bashkëpunimi do jetë goxha i fortë. Beqarët nuk do këmbëngulin shumë për ta bërë për vete atë që pëlqejnë, por do shohin edhe mundësi të tjera. Në planin financiar do ketë disa probleme për shkak të shpenzimeve marramendëse që do kryeni.
Bricjapi – Nëse marrëdhënia në çift nuk është e mirë, mos e acaroni edhe më tepër atmosferën sepse më pas nuk do arrini dot ta rregulloni situatën. Beqarët, jo të gjithë do jenë me fat, megjithatë nuk duhet të mbyllen për asnjë moment në vetvete. Sektori i financave do vijë duke u stabilizuar falë përkujdesit tuaj, por edhe falë ndihmës që do iu japin disa familjarë.
Ujori – Qielli yjor do dominohet nga Venusi gjatë kësaj dite. Do i jepni më shumë rëndësi se kurrë lidhjes që keni krijuar dhe mund të bëni edhe ndonjë çmenduri vetëm që të rikthehet pasioni i zjarrtë. Beqarët do kenë vetëm flirtime dhe joshje me sy, asgjë më shumë sesa aq. Financat do mund të përmirësohen tej mase nëse ju shpenzoni me maturi dhe i menaxhoni mirë të ardhurat.
Peshqit – Asnjë planet nuk do ndikojë në sektorin tuaj të dashurisë sot. Nuk priten konflikte me partnerin, por as ndonjë pasion shumë i zjarrtë. Beqarët do kenë dashuri me shikim të parë në momentet që ata më pak i presin. Financat nuk do jenë të këqija, megjithatë pak maturi dhe një menaxhim më i mirë do iu ndihmonte së tepërmi.
