Procesi i numërimit të votave për kryetar të Komunës së Dragashit po shkon drejt fundit. Sipas të dhënave zyrtare të Komisionit Qendror të Zgjedhjeve (KQZ), deri në orën 21:04 janë procesuar 44 nga gjithsej 57 vendvotime, që përbën 77,19% të totalit.
Rezultatet preliminare tregojnë se në krye të garës është kandidati i Lidhjes Demokratike të Kosovës (LDK), Bexhet Xheladini, me 44,64% të votave, apo 3,624 vota të numëruara deri tani.
Në vendin e dytë ndodhet kandidati i Partisë Demokratike të Kosovës (PDK), Shaban Shabani, me 24,62% (1,999 vota), ndërsa pas tij renditet kandidatja e Lëvizjes Vetëvendosje!, Filiz Mustafa, me 16,89% (1,371 vota).
Në vijim janë:
Usmen Baldži (Koalicija Vakat) – 7,33% (595 vota)
Nedžmidin Sejdilar – 6,52% (529 vota)
Numërimi i votave në Dragash pritet të përfundojë së shpejti, ndërsa KQZ do të publikojë rezultatet e plota pas përpunimit të të gjitha kutive të mbetura.
