Ministri në detyrë i Financave, Punës dhe Transfereve, Hekuran Murati, ka akuzuar Lidhjen Demokratike të Kosovës për refuzim të miratimit të buxhetit komunal.
Përmes një postimi në Facebook, Murati bën me dije se Komuna e Prishtinës është në mesin e tri komunave që ende nuk kanë miratuar në Kuvend buxhetin e 2025-tës.
“Janë me miliona euro fatura të papaguara si pasojë e mungesës së buxhetit për vitin 2025 për këto komuna, e rrjedhimisht edhe shumë punëtorë të ndërmarrjeve publike lokale janë pa paga.
Çka mund t’i thuhet këtij veprimi të LDK-së?” u shpreh Murati.
Ky është postimi i plotë i tij:
LDK-ja që deri dje ankohej për buxhetin e Prishtinës për 2025, tash që Kuvendi është i konstituuar, po refuzon me e miratu atë buxhet.
Buxheti i Komunës së Prishtinës, si dhe i dy komunave tjera, për vitin 2025 është ende i pamiratuar në Kuvend, dhe tash që Kuvendi është konstituuar s’ka asnjë pengesë që të miratohet.
Janë me miliona euro fatura të papaguara si pasojë e mungesës së buxhetit për vitin 2025 për këto komuna, e rrjedhimisht edhe shumë punëtorë të ndërmarrjeve publike lokale janë pa paga.
Çka mund t’i thuhet këtij veprimi të LDK-së?
Kush qenka bllokuesi i buxhetit?
