Daut Haradinaj, deputet nga radhët e Aleancës për Ardhmërinë e Kosovës, në “DPT te Fidani”, tha se partia e tij nuk e ka penguar asnjë koalicion me VV-në, sepse AAK ka vendim që përgjegjësia për marrëveshje në nivel lokal kalon direkt tek kryetari i degës.
Por ai shton se marrëveshjet në nivel lokal nuk kanë të bëjnë me atë qendror.
“Ne e kemi pozicionin të qartë edhe sot, nuk kemi arsye me ndërru qëndrimin se nuk na është ofru kompromois se çka dojmë me bë tash e tutje, jemi në të njëjta pozicione. Po i shoh disa zëra që po qarkullojnë, por nuk ka të bëj asgjë me nivelin qendror”, tha Haradinaj.
Ai shtoi se marrëveshjet kanë qenë krejt publike, pasi morën ndihmë në Junik e ndihmuan Vetëvendosjen në Fushë Kosovë.
