Izraeli po lejon vetëm një të tretën e ndihmave të parapara më marrëveshjen e armëpushimit që të hyjnë në Gaza, kanë thënë të hënën autoritetet lokale.
Ismail Al-Thaëabteh, i cili drejton Zyrën e Medias së Qeverisë së Gazës, tha për Anadolu se Izraeli lejon vetëm “më pak se një të tretën” e ndihmave të nevojshme për popullsinë 2.4 milionëshe të Gazës.
“Izraeli po e menaxhon urinë në Gaza me qëllim, ngadalë dhe në mënyrë kumulative”, tha ai, duke paralajmëruar se nivelet e kequshqyerjes në mesin e popullsisë së Gazës kanë tejkaluar 90%.
Sipas marrëveshjes së armëpushimit të arritur midis Hamasit dhe Izraelit më 10 tetor, 600 kamionë me ndihma duhej të hynin në Gaza çdo ditë.
Agjencia e Ndihmës dhe Punës së Kombeve të Bashkuara për Refugjatët Palestinezët (UNRËA) ka deklaruar se situata humanitare në Gaza mbetet katastrofike, pavarësisht armëpushimit.
Agjencia e OKB-së shtoi se më shumë se 90 përqind e popullsisë së Gazës varet tërësisht nga ndihma, me shumë prej tyre që marrin vetëm një vakt çdo 24 orë.
Mesatarisht 170 kamionë hyjnë në Strip çdo ditë, një numër shumë më i ulët se minimumi i kërkuar për të përmbushur nevojat themelore.
