Kremlini ka deklaruar se Presidenti rus, Vladimir Putin do të zhvillojë bisedime mbi Ukrainën me të dërguarin e SHBA-së Steve Witkoff në Moskë të martën pasdite.
“Takimi me Witkoff është planifikuar për nesër”, u tha gazetarëve në një konferencë për shtyp zëdhënësi i Kremlinit, Dmitry Peskov, duke shtuar se do të zhvillohet “në gjysmën e dytë të ditës”, shkruan Al Jazeera.
Witkoff është shfaqur si bashkëbiseduesi kryesor i SHBA-së me Putinin që kur Presidenti Donald Trump u rikthye në Shtëpinë e Bardhë në janar.
Peskov as nuk konfirmoi dhe as nuk e mohoi nëse do të lëshohet një deklaratë pas takimit të fundit midis Putinit dhe Witkoff në kryeqytetin rus, i cili vjen pas bisedimeve të fundjavës midis zyrtarëve ukrainas dhe amerikanë, përfshirë Witkoff, në Florida.
