![](https://i0.wp.com/www.fiks.al/wp-content/uploads/2023/07/abdixhiku-mimoza-kusari-ka-bere-veper-penale-pasi-ka-biseduar-me-nje-terrorist-si-radojiciqi_64b8485dde77a.jpeg?resize=850%2C526&ssl=1)
Kryetari i Lidhjes Demokratike të Kosovës (LDK), Lumir Abdixhiku, tha se audio-incizimi i publikuar i Mimoza Kusarit me Slvako Simiq dhe Milan Radojiçiqit është pjesë e rrugës së vjetër.
“Ky audio-incizim është vepër penale, pasi shefja e Grupit Parlamentar të Lëvizjes Vetëvendosje, ka biseduar me një terrorist. Komunikimi me një terrorist të kërkuar është vepër penale”, tha Abdixhiku.
“Nëse ndonjë bashkëpunëtor i imi do të bisedonte me një terrorist, do ta shkarkoja”, shtoi ai.
Abdixhiku ka folur edhe për mundësinë e bashkëpunimit me partitë opozitare.
Abdixhiku tha në Rubikon në Klan Kosova se askush nuk duhet të llogarit në LDK-në që të kthehet në formën e vjetër të qeverisjes.
“Nuk mund të bashkëpunojmë dhe të qeverisim duke thirrur Mimoza Kusarin që ta koordinojë me Milan Radojiçiqin e të formojmë qeverinë e re”, tha Abdixhiku.