Kryetari i Lidhjes Demokratike të Kosovës (LDK), Lumir Abdixhiku nuk ishte sot në Kuvendin e Kosovës për homazhe në nderim të jetës dhe veprës së ish-kryeparlamentarit Nexhat Daci.
Politikanët e LDK-së, bënë homazhe për ish kryetarin e Kuvendit, Nexhat Dacin, në krye me nënkryetarin e kësaj partie, Lutfi Hazirin.
Ndërsa Abdixhiku mungoi edhe në akademinë përkujtimore të organizuar në nderim të akademikut, Nexhat Daci.
KosovaPress ka kontaktuar edhe zëdhënësin e LDK-së, Besian Mustafa, për të ditur arsyen e mungesës së Abdixhikut, porse i njëjti nuk ka kthyer përgjigje deri në publikimin e këtij artikulli.
Kujtojmë se në zgjedhjet e parakohshme parlamentare të Kosovës të mbajtura më 28 dhjetor 2025, Lidhja Demokratike e Kosovës shënoi rënie për 52 mijë vota. Lidhur me këtë, i pari i LDK-së nuk ka përjashtuar dorëheqjen.
