Veprimtari i njohur i çështjes kombëtare, Agim Aliçkaj, ka reaguar me tone të ashpra ndaj deklaratave të deputetes së PDK-së, Blerta Deliu-Kodra, në lidhje me kryeministrin Albin Kurti.
Përmes një postimi të shpërndarë në rrjete sociale, Aliçkaj e cilëson deputeten Deliu si të “painformuar”, duke theksuar se ajo e ka gabim në vlerësimin e saj për Kurtin.
Reagimi i plotë:
Po më dhimbsesh nëse vuan nga urrejtja për KM Kurti. Nuk ka shërim! Përndryshe, qenke shumë “e painformuar” e nderuara Blerta Deliu ! E kundërta është e vërtetë. Faktet flasin se KM Albin Kurti është pro-UÇK, pro-shtet, pro-Kosovë dhe pro-shqiptari. Ta kisha vizatue, por nuk besoj se e pranon të vërtetën.
Kujtojmë, se Deputetja e PDK-së, Blerta Deliu, deklaroi se kryeministri në detyrë Albin Kurti “e ka frikë PDK-në” dhe për të njëjtin thotë se “është ndërtuar si anti-UÇK, si anti-shtet, dhe si anti-Kosovë”.
Ajo u shpreh se Kurti “nuk mund të rrijë pranë PDK-së sepse nuk i duron vlerat që ne përfaqësojmë: lirinë, dinjitetin dhe shtetin”.
