Një person është arrestuar nga Policia e Kosvoës në veri, konkretisht në sheshin “Car Lazar”, aty ku po mbahet një tubim pro presidentit të Serbisë, Aleksadër Vuçiq.
Tëvë1 mëson se i dyshuari është arrestuar për veprën penale “Prishje e rendit dhe qetësisë publike”.
Prapa tubimit qëndron Lista Serbe.
Ekipi ka bërë të ditur se pjesëmarrës në tubim është anëtari i Listës Serbe, Sllavko Simiq dhe kandidatë të tjerë të këtij subjekti politik për kryetar të komunave veriore.
Ndërkohë, Policia e Kosovës ka rritur prezencën e saj.
Në një prononcim, zëvendësdrejtori i policisë për rajonin e veriut, Veton Elshani ka bërë të ditur se kanë informacione që organizatore e tubimit është Lista Serbe.
“Ne jemi njoftuar për këtë tubim, nuk i ndalojmë, janë shoqata e pensionistëve, por ne informacionet u posedojmë se mund të jetë edhe Lista Serbe”, tha Elshani.
