Pas një dite të lodhshme pune, kur ktheheni në shtëpi të uritur, mund të jeni të tentuar të konsumoni ushqimin që ka mbetur nga dita e kaluar.
Megjithatë, para se ta bëni këtë, është e rëndësishme të mendoni për pasojat që mund të ketë në shëndetin tuaj.
Specialistët e ushqimit tërheqin vëmendjen se ringrohja e ushqimit të gatuar më parë kërkon kujdes të veçantë, pasi ekziston rreziku i helmimit.
Orizi i gatuar që nuk ruhet në mënyrë të duhur paraqet rrezik të veçantë për helmim ushqimor. Shkaku është se gatimi i tij jo gjithmonë i eliminon plotësisht bakteret e dëmshme që gjenden në të.
Benjamin Chapman, specialist i sigurisë ushqimore në Universitetin e Karolinës së Veriut, shpjegon se bakteret mund të shtohen me shpejtësi kur orizi lihet në temperaturë dhome.
