1
Kandidati i Lidhjes Demokratike të Kosovës për kryetar të Fushë Kosovës, Besnik Osmani, ka prezantuar sot bartësen e listës për Asamble, Mirlinda Krasniqin.
Në një postim në Facebook, Osmani e vlerësoi Krasniqin si një nga figurat më të suksesshme të gjeneratës së re, duke e përshkruar si zë të fuqishëm për qytetarët dhe garanci për përfaqësim të denjë në Asamble.
MGID Paragrafi 2
“Mirlinda, magjistër në psikologji dhe një vajzë e suksesshme në biznes, është mbi të gjitha një zë i fuqishëm i gjeneratës së re – një gjeneratë që beson në punë të ndershme, në vlera, dhe në fitoren e ideve të mira”, shkroi Osmani.
Ai kujtoi se gjatë mandatit të kaluar, Krasniqi ishte asambleistja më e votuar në Fushë Kosovë, ndërsa si kandidate për deputete arriti të fitojë mbështetje të gjerë nga qytetarët.
Moneytizer Paragrafi 4
“Mirlinda është shembulli më i mirë se si guximi, profesionalizmi dhe zemra e madhe krijojnë një histori suksesi”, shtoi Osmani.
Krasniqi do të garojë si bartëse e listës së LDK-së në Fushë Kosovë në zgjedhjet e ardhshme lokale.
Artikull i sponzorizuar
besnik osmaniMirlinda Krasniqi
