Në vitet 1980, NASA kreu një studim të veçantë për të analizuar ndikimin e bimëve të zakonshme shtëpiake në përmirësimin e cilësisë së ajrit brenda stacioneve hapësinore. Qëllimi i studimit ishte të shqyrtohej mundësia e përdorimit të bimëve për të krijuar një ambient të pastër dhe të sigurt për astronautët gjatë misioneve të gjata. Studiuesit zbuluan se disa bimë shtëpiake, si Peace Lily dhe Chrysanthemum morifolium, janë veçanërisht efektive në pastrimin e ajrit dhe mund të heqin disa përbërës kimikë të dëmshëm që ndodhen shpesh në mjedise të mbyllura.
Rezultatet e këtij studimi ishin mjaft interesante, pasi treguan se, përveç funksionit të zakonshëm të bimëve për të thithur dioksidin e karbonit dhe për të çliruar oksigjenin nëpërmjet fotosintezës, disa bimë janë gjithashtu një zgjidhje natyrale për eliminimin e përbërjeve toksike që mund të jenë të dëmshme për shëndetin tonë. Këto përbërje përfshijnë benzenin, formaldehidin, trikloroetilenin, ksilenin, toluenin dhe amoniakun, të cilat shpesh janë të pranishme në ajrin e mjediseve të brendshme si pasojë e produkteve të ndryshme të pastrimit, ngjyrave dhe materialeve të tjera që përdoren në shtëpi dhe zyrë.
Për këtë arsye, disa bimë janë vlerësuar si më efektive në pastrimin e ajrit. Mes tyre, Chrysanthemum morifolium dhe Spathiphyllum janë të njohura për aftësinë e tyre të jashtëzakonshme për të pastruar ajrin, duke eliminuar të pesë përbërësit toksikë të përmendur më parë. Këto bimë janë të rekomanduara si zgjidhje natyrale për të përmirësuar cilësinë e ajrit në mjediset e brendshme, duke kontribuar kështu në një ambient më të shëndetshëm.
NASA sugjeron që për çdo 100 metra katror hapësirë të mbyllur, të mbahet të paktën një bimë e tillë, për të siguruar një nivel të lartë pastrimi të ajrit. Përveç kësaj, studimi ka nxjerrë në pah rëndësinë e bimëve si një mjet të thjeshtë dhe efikas për përmirësimin e cilësisë së ajrit brenda shtëpive dhe ambienteve të punës, duke i bërë ato një pjesë të rëndësishme të kujdesit ndaj shëndetit tonë.
Në vijim, mund të shihni një infografikë që tregon bimët që janë studiuar dhe përbërjet toksike që ato mund të pastroni, duke i dhënë mundësinë për të zgjedhur bimën më të përshtatshme për çdo hapësirë dhe nevojë.
