Mediumi amerikan CNN raporton se sipas tre burimeve izraelite, optimizmi po rritet në Izrael në lidhje me sulmet e para që kishin në shënjestër udhëheqësit iranianë, por ende nuk ka konfirmim nëse sulmet vranë Udhëheqësin Suprem të vendit apo zyrtarë të tjerë të lartë.
Një nga burimet, siç raporton CNN, ka deklaruar se sulmet u kryen gjatë ditës sepse Izraeli besonte se Ajatollah Ali Khamenei ndihej më pak i prekshëm gjatë orëve të ditës.
Një burim tjetër tha se kryeministri Benjamin Netanyahu po merrte përditësime të rregullta të inteligjencës në lidhje me mundësinë që Khamenei dhe të tjerë të jenë vrarë në sulme.
CNN raportoi më parë se sulmet e së shtunës në mëngjes kishin në shënjestër Khamenein, si dhe shefin e shtabit ushtarak Sayyid Abdolrahim Mousavi, dhe Presidentin Masoud Pezeshkian, dhe të tjerë.
Burimet thonë se ende nuk ka konfirmim nëse sulmet vranë ndonjë nga udhëheqësit e lartë të vendit.
