Emiratet e Bashkuara Arabe njoftuan të dielën se tre persona janë vrarë në sulmet iraniane ndaj vendit.
Ministria e Mbrojtjes e Emirateve të Bashkuara Arabe tha gjithashtu se Irani kishte lëshuar 165 raketa balistike që synonin vendin, nga të cilat 152 u shkatërruan, raporton AP.
Trembëdhjetë ranë në det, shtoi ajo. Irani gjithashtu lëshoi 541 dronë që mbartnin bomba në Emiratet e Bashkuara Arabe, nga të cilët 506 u shkatërruan.
35 të tjerë goditën vendin, duke vrarë tre persona nga Pakistani, Nepali dhe Bangladeshi. 58 të tjerë janë plagosur.
Një këshilltar i lartë diplomatik i presidentit të Emirateve të Bashkuara Arabe paralajmëroi Teheranin të dielën se sulmet e tij hakmarrëse me raketa me raketa kundër shteteve arabe të Gjirit e kanë “izoluar” Iranin në një “pikë kritike”, duke i kërkuar udhëheqjes klerike të ndërpresë përshkallëzimin.
“Agresioni iranian kundër shteteve të Gjirit ishte një llogaritje e gabuar dhe e izoloi Iranin në një pikë kritike. Lufta juaj nuk është me fqinjët tuaj”,t ha Gargash në një deklaratë.
