1
Gjashtë raste të dhunës në familje janë raportuar gjatë 24 orëve të fundit në Kosovë, ka bërë të ditur Policia e Kosovës. Rastet janë shënuar në Prishtinë (2), Fushë Kosovë (1), Kamenicë (1) dhe Malishevë (2).
Sipas policisë, si rezultat i këtyre rasteve janë arrestuar shtatë persona, të cilët me vendim të prokurorit janë dërguar në mbajtje.
Në Prishtinë, një person është arrestuar pasi dyshohet se ka sulmuar fizikisht një femër, duke i shkaktuar lëndime trupore. Po ashtu, janë arrestuar dy vëllezër pas një përleshjeje mes vete, ku njëri prej tyre ka pësuar lëndime.
Në Fushë Kosovë, një burrë është ndaluar pasi dyshohet se ka ushtruar dhunë fizike ndaj bashkëshortes së tij. Ndërkohë, në Kamenicë, një i dyshuar nën ndikimin e alkoolit ka fyer dhe ka tentuar ta sulmojë viktimën me thikë kuzhine.
Moneytizer Paragrafi 4
Dy raste të tjera janë regjistruar në Malishevë, ku në të dyja rastet të dyshuarit, nën ndikim të alkoolit ose pas mosmarrëveshjeve, dyshohet se kanë sulmuar fizikisht bashkëshortet e tyre. Viktimat kanë pranuar ose kanë refuzuar tretman mjekësor, ndërsa të dyshuarit janë dërguar në mbajtje.
