Partia Guxo ka njoftuar se tashmë e ka pranuar dorëheqjen e deputetit Haxhi Avdyli nga radhët e saj.
Nëpërmjet një komunikate për medie ky subjekt politik thotë se deputetit Havdyli i dëshiron suksese në angazhimet e ardhshme.
Po ashtu, GUXO thekson se si subjekt politik nuk janë të përfshirë as në debate të ulëta dhe as në linçime publike të askujt e aq më pak të Presidentes së Republikës.
Komunikatë e Partisë GUXO
Nga media dhe nga rrjetet sociale, kemi kuptuar se deputeti Haxhi Avdyli, paska dhënë sot dorëheqje nga Partia Guxo.
Kryesia e Partisë Guxo e pranon këtë dorëheqje dhe e sheh si të drejtën dhe zgjedhjen e tij të vullnetshme dhe të pakontestueshme.
Në të njëjtën kohë, në emër të anëtarësisë dhe perkrahësve, Partia Guxo e falenderon deputetin Avdyli për rrugëtimin e përbashkët të derikëtushëm si dhe kontributin që ka dhënë për Partinë GUXO.
Si kryesi e Partisë Guxo i dëshirojmë shëndet dhe elan për punë të mbara e shumë suksese në angazhimet e ardhshme profesionale!
Në fund, për shkak të disa pretendimeve për motivet e dorëheqjes, e ndjejmë obligim të konfirmojmë se askush nga Partia Guxo nuk është përfshirë dhe nuk përfshihet as në debate të ulëta dhe as në linçime publike të askujt e aq më pak të Presidentes së Republikës. Partia Guxo angazhohet me ngulm për respektimin e rendit, ligjit dhe kushtetueshmërisë në të gjitha zhvillimet në vend duke përfshirë edhe zhvillimet e fundit.
