1
Singapori renditet në krye të listës së pasaportave më të fuqishme në botë për vitin 2026, sipas raportit më të fundit të Henley Passport Index, duke u ofruar qytetarëve të tij akses pa vizë në 192 destinacione në mbarë globin. Në vendin e dytë renditen Japonia dhe Koreja e Jugut, me akses pa vizë në 188 vende, ndërsa pozicioni i tretë ndahet nga pesë shtete evropiane: Danimarka, Luksemburgu, Spanja, Suedia dhe Zvicra, secila me 186 destinacione.
Sipas indeksit, i cili hartohet nga kompania britanike Henley & Partners mbi bazën e të dhënave të Shoqatës Ndërkombëtare të Transportit Ajror (IATA), renditja pasqyron nivelin e lirisë së lëvizjes që gëzojnë qytetarët e çdo shteti.
Moneytizer Paragrafi 2
Në vendin e katërt renditen dhjetë vende evropiane, përfshirë Gjermaninë, Francën, Italinë dhe Holandën, me nga 185 destinacione pa vizë, ndërsa vendi i pestë ndahet nga Hungaria, Portugalia, Sllovakia, Sllovenia dhe Emiratet e Bashkuara Arabe. Emiratet e Bashkuara Arabe shënojnë performancën më të fortë në historinë 20-vjeçare të indeksit, duke shtuar 149 destinacione pa vizë që nga viti 2006 dhe duke u ngjitur 57 pozicione në renditje. Sipas raportit, kjo rritje lidhet me angazhimin e vazhdueshëm diplomatik dhe liberalizimin e politikave të vizave.
Mbretëria e Bashkuar shënon rënien më të madhe vjetore, duke humbur akses pa vizë në tetë destinacione dhe duke zbritur në vendin e shtatë, me gjithsej 182 destinacione. Ndërkohë, Shtetet e Bashkuara renditen në vendin e dhjetë, me 179 destinacione pa vizë. Edhe pse janë rikthyer në “Top 10”, SHBA-të kanë humbur shtatë destinacione gjatë vitit të fundit dhe aktualisht renditen më poshtë se 37 vende të tjera.
Moneytizer Paragrafi 4
Në fund të renditjes mbetet Afganistani, me vetëm 24 destinacione pa vizë, i ndjekur nga Siria dhe Iraku, duke thelluar ndjeshëm hendekun global të lëvizshmërisë. Sipas ekspertëve, fuqia e një pasaporte lidhet drejtpërdrejt me stabilitetin politik, marrëdhëniet diplomatike dhe besueshmërinë ndërkombëtare të një shteti.
