Publicisti Lis Bukuroca ka reaguar në lidhje me përgjegjësinë për shtyrjen e proceseve politike dhe rolin e partive opozitare, duke hedhur poshtë pretendimet se faji i takon vetëm kryeministrit Albin Kurti.
Në reagimin e tij në Facebook, Bukuroca kritikon mungesën e vullnetit politik, refuzimin e nismave dhe qasjen që, sipas tij, e paraqet Kurtin si të vetmin subjekt aktiv, ndërsa të tjerët si pasivë dhe të pafuqishëm, përcjell “Bota sot”.
Ai nuk kursen kritikat as ndaj LDK-së dhe figurave të saj drejtuese, duke e cilësuar situatën aktuale si pasojë të vendimeve të vetë partive opozitare.
Postimi i plotë
Shtyrjen për dhjetor e quani “strategji” të tij, por duke refuzuar çdo ofertë dhe duke bllokuar çdo nismë, dhjetorin e prodhuat vetë.
Sipas jush, fajtori është gjithmonë Albin Kurti. Ai qenka subjekti i vetëm (politik), ndërsa ju thjesht objekte: pa vullnet, pa gjykim dhe pa aftësi për të marrë vendime. Pra, Kurti qenka fajtor pse ju nuk dini, ose pse ai di më shumë se të gjithë ju së bashku.
…
Ngushëllime dhe urime. Ngushëllime për humbjen, urime për humbjen e vogël. Keni merituar t’i bashkoheni Ramushit. LDK e krijuan intelektualët më të mëdhenj që pat Kosova, po e varrosin biznesmenët milionerë.
Sidoqoftë, Albin Kurti duhet të tregojë mirënjohje dhe t’i falënderohet Lumir Abdixhikut, Lutfi Hazirit, Hikmete Bajramit, Doarsa Kicës dhe Kujtim Shalës. Ishin fantastikë.
