Kryeministri i Kosovës, Albin Kurti, ka njoftuar se do të zhvillojë takime me opozitën lidhur me çështjen e zgjedhjes së Presidentit.
I pyetur nga gazetarët për këtë temë, Kurti u përgjigj shkurtimisht me “sigurisht”, ndërsa po shkonte drejt zyrës së grupit parlamentar të Lëvizja Vetëvendosje në Kuvend.
Ky paralajmërim vjen pas tensioneve politike që kanë shoqëruar debatet për zgjedhjen e kreut të shtetit, ndërsa partitë opozitare kanë shprehur rezervat e tyre lidhur me procedurat dhe afatet ligjore për këtë proces.
Takimet e planifikuara synojnë të krijojnë një dialog konstruktiv ndërmjet palëve dhe të shqyrtojnë mundësitë për gjetjen e një konsensusi për kandidatin e ardhshëm për President.
