Kurti pret nesër përfaqësuesin e BE-së për dialogun Kosovë–Serbi.
Kryeministri i Republikës së Kosovës, Albin Kurti, do të presë në takim Përfaqësuesin e Posaçëm të Bashkimit Evropian për Dialogun Kosovë–Serbi, Peter Sorensen.
Takimi do të mbahet nesër në ndërtesën e Qeverisë, duke filluar nga ora 08:30. Kurse, pas takimit, do të ketë deklarim për media.
Përndryshe, raporti për strategjinë e zgjerimit nga Parlamenti Evropian konfirmon se përparimi i Kosovës në rrugën e integrimit evropian mbetet i lidhur ngushtë me dialogun me Serbinë.
