1
Filantropi shqiptar dhe sipërmarrësi i njohur, Lazim Destani ka takuar tre ambasadorët shqiptarë të akredituar në Emiratet e Bashkuara Arabe.
Destani në zyrat e kompanisë së tij “Ecolog” në Dubai, ka pritur Ambasadorin e Republikës së Maqedonisë së Veriut Abdylkadër Memedi, Ambasadorin e Republikës së Shqipërisë Ridi Kurtezi dhe Ambasadorin e Republikës së Kosovës Xhabir Hamiti.
Në këtë takim, ata kanë biseduar rreth temave me karakter ekonomik, dhe mundësitë për investime kapitale nga EBA në Shqipëri, Kosovë e në Maqedoninë e Veriut, raporton Zeri.info.
Shkrimi i plotë i Destanit:
Sot, në zyrat e kompanisë sonë në Dubai, pata nderin e kënaqësinë t’i pres për një vizitë miqësore Ambasadorët tanë të akredituar në Emiratet e Bashkuara Arabe (EBA), Ambasadorin e Republikës së Maqedonisë së Veriut Abdylkadër Memedi, Ambasadorin e Republikës së Shqipërisë Ridi Kurtezi dhe Ambasadorin e Republikës së Kosovës Xhabir Hamiti.
Krahas bisedave miqësore, gjatë këtij takimi zhvilluam diskutime edhe mbi tema me karakter ekonomik, pasi të shumta janë mundësitë për investime kapitale nga EBA në trojet tona, në Shqipëri, Kosovë e në Maqedoninë e Veriut.
Për vizitën e tyre kushtuar kompanisë sonë falënderoj Ambasadorët e nderuar, ndërsa i uroj për suksese gjithnjë në rritje në misionin e tyre diplomatik.
