Një total prej 100 nxënësve të rrëmbyer nga një shkollë katolike nigeriane muajin e kaluar dhe të liruar gjatë fundjavës u pritën në një ceremoni të organizuar nga qeveria të hënën, shumë prej tyre dukeshin të humbur, por të lehtësuar.
Detajet rreth lirimit të tyre nuk u bënë publike dhe qeveria nuk ka thënë nëse është paguar ndonjë shpërblim – i zakonshëm në rrëmbime të tilla, njofton AP.
Të paktën 303 nxënës shkolle u rrëmbyen në shtetin Niger së bashku me 12 mësues të tyre kur persona të armatosur sulmuan Shkollën Katolike të Shën Marisë në komunitetin Papiri më 21 nëntor. Pesëdhjetë veta u arratisën në orët që pasuan dhe të paktën 150 të tjerë mbahen ende të ndaluar, së bashku me mësuesit.
Asnjë grup nuk e ka marrë përgjegjësinë për rrëmbimin, por vendasit fajësuan bandat e armatosura që synojnë shkollat dhe udhëtarët në rrëmbime për shpërblime në të gjithë veriun e Nigerisë të përfshirë nga konflikti.
