Zyrtari i LDK-së, Shkëmb Manaj ka reaguar ndaj deklaratës së ministres së Drejtësisë Donika Gërvalla, e cila tha se dekreti i presidentes për shpërbërjen e Kuvendit ishte i nxituar.
Përms një postimi në Facebook, Manaj ka shkruar se nuk ekziston dekret “i nxituar” apo “i pa nxituar”, por vetëm dekret kushtetues ose jokushtetues.
Sipas tij, dekreti i presidentes Vjosa Osmani për shpërndarjen e Kuvendit është në përputhje të plotë me Kushtetutën.
Postimi i plotë:
Ministrja e Drejtësisë paska thënë: dekreti i Presidentes ishte i nxituar.
Nuk ka dekret të nxituar dhe të pa nxituar zonja Ministre. Dekreti ose është kushtetues, ose jokushtetues.
Në rastin konkret, dekreti i Presidentes Osmani për shpërndarjen e Kuvendit, është në pajtim të plotë me Kushtetutën.
