2
Kryeministrja italiane Giorgia Meloni ka theksuar se vendet evropiane duhet të bëjnë gjithçka që mundin për të shmangur një luftë tregtare me SHBA-të.
“Ne pajtohemi që duhet, me çdo kusht, të shmangim një luftë tregtare midis dy anëve të Atlantikut,” tha Meloni gjatë një konference të përbashkët për shtyp me kancelarin austriak Christian Stocker në Romë të martën.
Meloni e diskutoi çështjen me Stocker dhe theksoi se është e rëndësishme që udhëheqësit evropianë të punojnë së bashku drejt një marrëveshjeje “reciprokisht të favorshme”.
Të hënën, Presidenti i SHBA-ve, Donald Trump, tha se është ende i hapur për më shumë negociata tregtare me BE-në, pasi njoftoi një taksë prej 30 për qind mbi importet nga Bashkimi Evropian, e cila do të hyjë në fuqi më 1 gusht nëse të dy palët nuk arrijnë të bien dakord për një marrëveshje të re.
