Në organin më të lartë legjislativ po zhvillohet debat parlamentar për rritjen e çmimit të naftës.
Ministrja e Tregtisë dhe Industrisë, Mimoza Kusari-Lila, ka folur sot në Kuvend për çmimin e naftës.
Ajo ka thënë se për sot çmimi më i lartë me të cilin mund të shitet është 1.83 euro.
Ministrja Kusari-Lila ka thënë se kudo që qytetarët shohin çmim më të lartë se ky çmim, duhet ta raportojnë.
Kjo seancë e jashtëzakonshme është ftuar nga partitë opozitare, ndërkaq rezoluta është prezantuar nga Lidhja Demokratike e Kosovës.
