Kryeministri në detyrë i Republikës së Kosovës, Albin Kurti, ka vizituar Policinë e Kosovës, ku nga afër ka përcjellë testimin e kapaciteteve të mbrojtjes ajrore përmes njësive të specializuara të dronëve dhe antidronëve.
Kurti bëri të ditur se para dy vitesh, në kuadër të Policisë së Kosovës, është themeluar Drejtoria e Mbrojtjes Ajrore, e cila përfshin si komponentë kyç njësitë dron dhe antidron.
Testimi i këtyre kapaciteteve u realizua në Kampin e Njësive Speciale në Vrellë dhe u bazua, sipas tij, në kapacitetet e brendshme të Policisë së Kosovës.
“Falënderoj zyrtarët për angazhimin dhe profesionalizmin e treguar. Mbështetja jonë për ngritjen dhe fuqizimin e këtyre pajisjeve dhe mënyrave do të jetë e vazhdueshme”, ka deklaruar Kurti.
Sipas tij, zhvillimi i këtyre kapaciteteve paraqet një hap të rëndësishëm drejt rritjes së sigurisë dhe modernizimit të Policisë së Kosovës.
