Presidentja e Kosovës, Vjosa Osmani, ka theksuar rëndësinë e miqësisë mes Kosovës dhe Austrisë, duke e cilësuar atë si një shtyllë të fortë në rrugëtimin e Kosovës drejt integrimit evropian.
Gjatë vizitës në Mauthausen për ceremoninë e 80-vjetorit të çlirimit të Kampit të Përqendrimit, Osmani u takua me Presidentin austriak, Alexander Van der Bellen, dhe Zonjën e Parë, Doris Schmidauer.
Gjatë diskutimeve për përkrahjen e vazhdueshme të Austrisë për Kosovën, Presidentja theksoi angazhimin e Kosovës për procesin e integrimit euro-atlantik dhe rëndësinë e mbështetjes së Austrisë në çdo fazë të shtetndërtimit të Kosovës.
Postimi:
Me Presidentin austriak Alexander Van der Bellen dhe Zonjën e Parë Doris Schmidauer, ishim në Mauthausen për ceremoninë e 80 vjetorit të çlirimit të Kampit të përqëndrimit.
Para ceremonisë përkujtimore, patëm një diskutim të sinqertë e përmbajtësor për miqësinë tonë të qëndrueshme e përkrahjen e çmuar të Austrisë në çdo etapë të shtetndërtimit të Kosovës.
Kosova është e përkushtuar për procesin e integrimit euro-atlantik, e në këtë rrugëtim është e bekuar të ketë në krah miq sikurse Austria.
