Portali Fiks.AL

Sindikata e Arsimit njofton se përkundër disa ‘kërcënimeve’ të disa drejtorëve të Drejtorive të Arsimit mësimi nuk do të mbahet as të shtunave e as kur është ditë feste.

“SBASHK gëzon respekt edhe në Kosovë ,dhe jo vetëm nga shumica absolute  e punëtorëve të arsimit, por edhe nga sindikalistë të sektorëve të tjerë dhe nga popullata.  Kjo i ka bërë nervoz disa individë, që përfaqësojnë ndonjë institucion qendror apo lokal dhe ata për të krijuar një atmosferë frike te anëtarët  e SBASHK-ut kanë nisur të përmendin edhe mundësinë e ngritjes së dofarë kallëzimesh penale ndaj kryetarit  të kësaj sindikate, pos as ky shantazh se ndal dot SBASHK-un ne mbrojte të anëtarësisë”, thuhet në komunikatën e SBASHK-ut.

Këshilli Drejtues i SBASHK-ut dhe kryetarët e nivelit komunal sindikal dhe të Universiteteve  duke bartur zërin e mësimdhënësve dhe punëtorëve të tjerë të arsimit e kanë thënë qartë se  nëse Parlamenti  voton për të bërë barazimin e koeficienteve te mësuesve të nivelit 1-5, te pedagogëve , psikologëve e sekretarëve të shkollave me kolegët e tyre të nivelit 6-9, atëherë  në shenjë të solidarizimit me ta do të zgjatet  ky vit shkollor për një javë e nëse kjo nuk ndodh atëherë nuk do të ketë kompensim të as edhe një ore të humbur  në grevë.

“Greva është e ligjshme dhe ka pasur përkrahjen edhe të gjithë sindikatave të Ballkanit e Evropës dhe ligji nuk obligon grevistët të kompensojnë orët e humbura në grevë. Mësimdhënësit e kanë thënë fjalën e tyre për këtë dhe tentimi që të dërgohen në orë  me shantazhe, shpifje dhe  deklarata  plot gënjeshtra  është  presion dhe shkelje e të drejtës së tyre elementare. Kontrata Kolektive e Arsimit e saktëson se punëtorët e arsimit kanë  javë 5 ditëshe të punës dhe 20 orë mësimore në javë.Çdo ngarkesë mbi këtë mund të bëhet me pajtimin  mes dy palëve.  Të  kërkohet të punohet të shtunave,  pa pajtimin e punëtorëve të arsimit është shkelje e Kontratës Kolektive, e Kontratës individuale të punës dhe e Ligjit. Të mos respektohen festat dhe të kërkohet të punohet kur janë ato është shkelje edhe më e rëndë.  Drejtorë kujdes  se këto janë shke lje shumë  të rënda”, thuhet në komunikatë.

Identifikohen dy nga pesë grabitësit e miliona eurove 10 ditë më parë në Rinas.

Lajmin e ka dhënë gazetari Arsen Rusta referuar burimeve nga mbledhja e ministrit të Brendshëm Sandër Lleshaj me drejtorët e policisë në ambientet e MB.

Emrat nuk bëhen ende me dije për shkak të hetimit por mësohet se autorët po mbahen nën vëzhgim dhe pritet që shumë shpejt të arrestohen.

5 persona të armatosur deri në dhëmbë, mes të cilëve edhe Admir Murataj i cili mbeti i vrarë nga policia, grabitën më datë 9 prill 2019, në aeroportin e Rinasit, brenda barkut të avionit miliona euro që kishin destinacion Vjenën.

Gjyshja e të ndjerit Arbër Berisha, i cili ndërroi jetë pardje në QKUK, po i akuzon institucionet përgjegjëse për neglizhencë dhe joprofesionalizëm.

Ajo ka bërë të ditur se për ta dërguar të ndjerin nga Peja në QKUK, është dashur që dy orë ta presin ambulancën me arsyetimin se nuk ka pasur shofer.

“Ne Arbrin e kemi dërguar tek mjeku me datë 15 prill (e Hënë) pasi që ka pasur temperaturë, ethe dhe i ka pasur disa skuqje nëpër trup. Atë e ka kontrolluar pediatri i cili ka thënë se ka vetëm pezmatim fyti, pra infeksion në fyt. Ia ka caktuar një terapi dhe e ka lëshuar Arbrin që të kthehet në shtëpi”.

“Pastaj të nesërmen ai ka filluar të vjellë dhe ne jemi detyruar që ta dërgojmë sërish te pediatri. Doktoresha sërish ka thënë se ka vetëm infeksion në fyt. Ajo ka sugjeruar që ta dërgojmë Arbrin në Infektivë për ta marrë një infuzion”.

“Më pas e kemi dërguar atë në spitalin e Pejës në Infektivë. Si e kemi dërguar djalin atje, atij i ka humbur vetëdija. Mjeku e ka vërejtur se infeksioni i ka shkuar nga fyti në tru. Ai e ka trajtuar, mirëpo për djalin ka qenë shumë vonë”.

“Mjeku e ka trajtuar në infektivë dhe pas dy orësh ka sugjeruar që djalin ta dërgojmë në QKUK pasi që gjendja e tij u përkeqësua. Kemi pritur dy orë deri sa ka ardhur ambulanca me arsyetimin se nuk ka pasur shofer”.

“Në infektivë e kanë trajtuar mirë, mirëpo kanë thënë se djalin e keni dërguar shumë vonë në spital. Arbri ka qenë pa vetëdije kur e kemi dërguar në Prishtinë. Pranimi i tij është bërë në QKUK. Aty kanë thënë se gjendja është seriozë por jashtë rrezikut për jetë”.

“Ne e kemi vërejtur se djali filloi të nxihej, mirëpo motra na dha shpresë se gjendja e tij do të përmirësohet. Pastaj unë e kam marrë atë në dorë dhe ai vdiq. E kam dërguar në dhomën tjetër ku ka qenë bombola e oksigjenit, mirëpo mund të vërehej se djali ishte i vdekur. Së paku një orë e gjysmë në kemi qenë në infektivë. Pastaj ka ardhur një mjek i cili është munduar ta kthejë atë në jetë”.

“Unë djalin tim nuk mund ta kthej, por kisha pasur dëshirë që të vetdijësohen mjekët që mos të ketë raste të tilla”. /KlanKosova

Kryeministri i vendit, Ramush Haradinaj ka pritur sot në takim karateistin e njohur kosovar, Enver Idrizi.

Këtë, Haradinaj e ka bërë të ditur përmes një postimi në Facebook, shkruan lajmi.net.

Ai ka thënë se Idrizi na ka bërë krenarë në çdo paraqitje të tijën.

“Mëngjesin e sotëm, me mjeshtrin e madh të karatesë te përmasave botërore, kampionin Enver Idrizi, që në çdo paraqitje na ka bërë krenarë”, ka shkruar ai në Facebook. /Lajmi.net/