Portali Fiks.AL

Kosova gjatë natës së mbrëmshme ka rikthyer 110 qytetarë të saj nga Siria, prej tyre 74 fëmijë, 32 gra dhe katër të luftëtarë të dyshuar xhihadistë.

Aksioni për kthimin e 110 personave nga vatrat e luftës në Siri u bë i mundur falë angazhimit të institucioneve kosovare, SHBA-së dhe Forcave Demokratike Siriane.

Për kthimin e tyre kanë reaguar thuajse të gjithë institucionet e vendit. Kanë shkruar edhe mediat më të mëdha të botës.

Por, kryeministri i Kosovës, Ramush Haradinaj deri më tash nuk e ka thënë asnjë fjalë për këtë çështje.

E vitin e kaluar i pari i Qeverisë së Kosovës në një deklarim për mediat e huaja pati thënë se gratë kosovare që shkuan në Siri kanë bërë fëmijë me komandantët e ISIS’it.

Rreziqet kryesore me të cilat përballet Kosova, sipas Haradinajt, kanë të bëjnë me Serbinë e cila po mbështetet nga Moska; me kosovarët e rekrutuar për të luftuar në forcat e ISIS-it; si dhe me grupet mafioze që udhëheqin në pjesën veriore të Kosovës, ku ditë më parë u vra politikani serb Oliver Ivanoviq.

Daily Beast ka rikujtuar se gjatë tri viteve të fundit 300 kosovarë myslimanë u janë bashkuar grupeve militante në Siri dhe Irak.

“Policia e Kosovës dhe prokurorët i kanë riatdhesuar me kujdes të madh qytetarët që vijnë nga Lindja e Mesme. Siç e ka thënë Anne Speckhard nga Qendra për Studime të Ekstremizmit të Dhunshëm: Kosova dallon në mënyrë të veçantë duke pasur numrin më të madh për kokë banori në Evropë të qytetarëve që kanë shkuar në Siri dhe Irak që nga viti 2011. 44 gra dhe 29 fëmijë nga Kosova besohet se kanë udhëtuar në zonat e konfliktit në Siri dhe Irak”, shkruan Daily Beast, transmeton Gazeta Express.

E kryeministri Haradinaj ka ngritur një shqetësim tjetër, duke alarmuar si rrezik për të ardhmen.

“Një çështje që na preokupon ka të bëjë me gratë të cilat kanë bërë fëmijë me të huaj jo kosovarë”, ka thënë Haradinaj për Daily Beast.

“Nganjëherë ne nuk e dimë se me kë i kanë fëmijët këto gra. Ata mund të jenë fëmijë të komandantëve të ISIS-it. OJQ-të radikale dhe imamët lokalë kanë bërë propagandë sistematike për më shumë se një dekadë, duke e bërë atraktive idenë e shkuarjes në Siri nëpërmjet ofrimit të të ardhurave për fëmijët e paarsimuar”, ka thënë Haradinaj.

Disa pamje lufte që dokumentojnë momentin kur një ish-ushtar i UÇK-së, atëkohë 24 vjeçar, sypatrembur në pozicionin e tij përballej me ushtarët serbë, u bënë virale në rrjet.

Ushtari i UÇK-së i përfshirë në video ishte Hasan Zogaj, nga fshati Lladroc i Malishevës, me të cili lajmi.net ka realizuar një rrëfim lufte të përmbledhur në storie.

Hasani pas 20 vitesh u kthye në të njëjtin vendin për të rrëfyer momentin e jashtëzakonshëm që la të habitur opinionin e gjerë.

Hasani gjatë kohën së luftës ishte kthyer nga Gjermania për të kontribuar në luftën e UÇK-së, por që nga përfundimi i luftës, Hasani është duke punuar në ndërtimtari.

Imazhi i Hasanit tregonte vuajtjet e pamëshirshme të përditshmërisë së jetës, por ai dukej shumë krenar që i ka ndihmuar popullit të tij.

Hasani tregoi edhe për marrëdhëniet që  kishte me ish-komandantët e Ushtrisë Çlirimtare të Kosovës dhe si janë ato tani?

Ish-ushtari i UCK-së, po synon ta lë Kosovën pas thotë se nuk pret një të ardhme të mirë këtu.

Hasani kishte një mesazh të fuqishëm për komandant Çelikun? Këto dhe detaje të tjera i gjeni rrëfimin më poshtë. /Lajmi.net/

Një grua kosovare me dy fëmijë, të cilës iu vra bashkëshorti si luftëtar i ISIS-it, pati mbetur e ngujuar në një kamp të refugjatëve në Siri, i cili kontrollohej nga kurdët.

Ajo i pati thënë Klan Kosovës me 27 janar 2019 se po mundohej të largohej nga atje nëpërmjet Kryqit të Kuq për shkak sepse e kishte njërën nga vajzat të sëmurë rëndë, njofton Klan Kosova.

Gruaja me inicialet M.A së bashku edhe me më shumë se 100 persona të tjerë sot është kthyer në Kosovë.

Akoma nuk dihet për gjendjen shëndetësore të vajzës.

Një person është arrestuar në Deçan i cily dyshohet për gjuajtje me armë.

Lidhur me këtë rast, Policia e Pejës ka njoftuar se rasti ka ndodhur sot rreth orës 10:20, shkruan lajmi.net.

“Me datë 20.04.2019, rreth orës 10:20, derisa viktima së bashku me një person po kalonte rrugës me veturen e tij në rrugën ’Shani Hadergjonaj’ në Deçan, aty ishte duke i pritur një person i dyshuar me veturë të ndaluar anash në rrugë”, thuhet në njoftim.

Sipas viktimës i dyshuari në dorë mbante armën e gjatë, më pas ka dalë para veturës së viktimës duke i ndaluar, i afrohet tek dritarja e mjetit dhe i kanoset. Viktima duke u larguar nga aty, ka degjuar tri të shtëna nga arma e zjarrit.

Policia është njoftuar, menjëherë njësitet policore kanë dalur në vendin e ngjarjes dhe është arrestuar i dyshuari F.K. lindur vitin 1987 m/k/ sh, të cilit i është konfiskuar edhe arma gjysmëautomatike me municion të cal.7.62×39 që e ka perdorur në ketë rast. Po ashtu gjatë shikimit të vendit të ngjarjes, janë gjetur tek i dyshuari edhe provat tjera që i kishte larguar nga vendi i kryerjes së veprës.

Të gjitha veprimet policore janë koordinuar me prokurorit e shtetit, i cili ka urdhëruar që i dyshuari të ndalohet për të vazhduar me procedura të mëtejme ligjore, për veprën ‘Përdorim i mjetit të rrezikshëm’. /Lajmi.net/

Zëvendëskryetari i PDK-së, Enver Hoxhaj, ka thënë se sot kanë mbajtur kuvendin zgjedhor në Gjakovë.

“Një proces që aq sa po i shërben demokracisë së brendshme të PDK-së dhe unitetit të partisë, aq po zhvillohet në funksion të garë së jashtme për fitore”.

“Ngritja dhe zhvillimi i PDK-së është ngritje dhe zhvillim i Kosovës. #DekadaeRe”, ka shkruar Hoxhaj në Facebook.

Rrjeti i lajmeve Euronews i ka kushtuar një artikull kthimit të 110 qytetarëve nga Siria në Kosovë.

Më shumë se 300 shtetas të Kosovës kanë udhëtuar drejt Sirisë që nga shpërthimi i luftës civile në vitin 2012, shkruan Euronews, transmeton Klan Kosova.

Ky rrjet tregon për 70 burrat nga Kosova që u vranë duke luftuar së bashku me grupet militante në Lindje të Mesme.

“Vendet e Ballkanit tani janë duke u ballafaquar me mënyrën se si duhet t’i trajtojnë shtetasit që dëshirojnë të kthehen nga Siria”.

“Pas shpërbërjes së Shtetit Islamik, tani personat që kanë luftuar përkrah grupeve terroriste synojnë të kthehen nëpër vendet e tyre”.