Drejtori i Përgjithshëm i Policisë së Kosovës, Gazmend Hoxha, i shoqëruar nga udhëheqës të tjerë lartë nga PK, realizoi vizitën e parë zyrtare të Policisë së Kosovës në kufirin mes Shteteve të Bashkuara të Amerikës dhe Meksikës, njofton KosovaPress .
Në vizitën që u zhvillua me 23 janar, delegacioni vëzhgoi nga afër operacionet e sigurisë kufitare në kohë reale në Portin e Hyrjes Laredo, në bashkëpunim me Doganat dhe Mbrojtjen Kufitare të SHBA-së dhe zyrtarët kufitarë.
Vizita u organizua me mbështetjen e Ambasadës së Shteteve të Bashkuara në Prishtinë përmes DOJ-ICITAP.
Në pikën kufitare që është ndër më të ngarkuarat të hyrjes në ShBA, kosovarët u njohën me praktikat e sofistikuara të menaxhimit kufitar dhe përdorimin e teknologjive modern.
