Presidentja Vjosa Osmani ka përkujtuar sot masakrat e kryera më 31 mars 1999 në Pastaselë të Rahovec dhe në Burim të Malishevë, duke i cilësuar ato si krime të rënda kundër civilëve të pafajshëm.
Në reagimin e saj, Osmani theksoi se në Pastaselë u masakruan 106 civilë nga regjimi serb, duke e cilësuar këtë akt si një mizori që tejkalon çdo kufi njerëzor dhe si një sulm të drejtpërdrejtë ndaj jetës, dinjitetit dhe ekzistencës së një populli.
Ajo bëri të ditur se 13 persona kishin arritur të mbijetojnë nga kjo masakër, duke mbajtur gjallë kujtesën dhe të vërtetën e asaj që ndodhi.
Postimi i plotë;
Presidentja Osmani kujton masakrat në Pastaselë të Rahovecit dhe në Burim të MalishevësMë 31 mars 1999, në Pastaselë të Rahovecit, 106 civilë të pafajshëm u masakruan nga regjimi gjenocidal i Serbisë, duke shpërfaqur përmasat e një mizorie që tejkalon çdo kufi njerëzor. Ishte një akt i qëllimshëm kundër jetës, dinjitetit dhe vetë ekzistencës së një populli. 13 persona mbijetuan që ta mbajnë mbi supe kujtesën dhe të vërtetën që nuk duhet të harrohet kurrë.Makineria vrasëse e Serbisë, të njëjtën ditë në Burim të Malishevës, ekzekutoi brutalisht 42 civilë.Pa drejtësi, nuk ka paqe të qëndrueshme.Qoftë i përhershëm kujtimi për të rënët për liri!
