Një tragjedi ka goditur familjen Salihaj nga fshati Jasiq i Ri, në komunën e Junikut.
Riza Xhelal Salihaj ka ndërruar jetë pas një aksidenti të rëndë në Kroaci, teksa po kthehej për në vendlindje.
Familjarët e tij, përmes një postimi në Facebook, bënë të ditur se i riu la pas vetes bashkëshorten dhe tre fëmijë, ndërsa me zemër të thyer mbetën prindërit dhe gjithë ata që e njihnin.
Shefqet Salihaj, familjar i tashmë të ndjerit përmes fjalëve, tregoi se i riu në pamundësi për të ndërtuar jetën në vendlindje, u detyrua ta marrë rrugën e mërgimit, në kërkim të një të ardhmeje më të mirë.
