Projektligji për plotësimin dhe ndryshimin e Ligjit për Dhomat e Specializuara ka kaluar për shqyrtim në Komisionin për Buxhet dhe Financa, me procedurë të përshpejtuar.
Nisma për ndryshimin e ligjit është proceduar në Kuvend në kuadër të zhvillimeve të fundit lidhur me Dhomat e Specializuara në Hagë dhe kërkesave për mbështetje institucionale për ish-krerët e UÇK-së.
Projektligji tashmë është futur në procedurë parlamentare, ndërsa pas shqyrtimit në komisionet përkatëse pritet të vazhdojë procedurën e mëtejshme në Kuvend.
Për ndryshimet në Ligjin për Dhomat e Specializuara, PDK-ja kishte kërkuar që procedimi të bëhej me urgjencë, ndërsa më herët çështja ishte dërguar për vlerësim edhe te Zyra Ligjore dhe Departamenti i Buxhetit.
