1
Komisioni Qendror i Zgjedhjeve, dje ka marrë vendim për miratimin e Qendrave për votim jashtë vendit.
Votimi për shtetasit e Kosovës që jetojnë jashtë vendit do të zhvillohet më 27 dhjetor, një ditë para mbajtjes së zgjedhjeve të jashtëzakonshme në Kosovë, pra më 28 dhjetor.
Moneytizer Paragrafi 2
Sipas vendimit të KQZ-së, procesi i votimit planifikohet të organizohet në 50 përfaqësi diplomatike me gjithsej 66 vendvotime të vendosura në 36 shtete të botës.
Po ashtu, sipas vendimit të KQZ-së, Qendra të Votimit do të hapen edhe në hapësira shtesë, jashtë përfaqësive diplomatike, sipas propozimit nga Ministria e Punëve të Jashtme dhe Diasporës.
Moneytizer Paragrafi 4
Lokacionet shtesë përfshijnë 10 Qendra të Votimit (Gjermani 5; Zvicër 3, Mbretëri e Bashkuar 1 dhe ShBA 1) me gjithsej 43 vendvotime dhe me numër maksimal të votuesve që mund të regjistrohen për të votuar 40 mijë e 850 votues.
Në përgjithësi, numri i Qendrave të Votimit për votimin jashtë Kosovës, të miratuara nga KQZ është 60, me gjithsej 109 vendvotime.
Derisa, numri maksimal i votuesve që mund të regjistrohen për të votuar në këto Qendra të Votimit ëshë 103 mijë e 550.
“KQZ sqaron se kufizimi i numrit maksimal të votuesve që mund të regjistrohen vlen vetëm për votimin në përfaqësi diplomatike, ndërkaq numri i votuesve që mund të regjistrohen për votim përmes postës është i pakufizuar”, thuhet në vendim transmeton Klankosova.tv.
Periudha e regjistrimit të votuesve jashtë Kosovës ka filluar më 26 nëntor dhe do të përfundojë më 6 dhjetor 2025.
Listën e plotë të Qendrave të Votimit jashtë vendit mund ta gjeni KÊTU.
