Sipas platformës së Komisionit Qendror të Zgjedhjeve (KQZ), deri më 06.01.2026 në ora 19:41 janë numëruar 2.764 nga 2.797 vendvotime (98,82%), duke e afruar procesin drejt përmbylljes së numërimit në vendvotime.
Në rezultatet e përmbledhura (paraprake), Lëvizja VETËVENDOSJE! vazhdon të kryesojë me 50,64% të votave, ndërsa pas saj renditet PDK me 20,42%.
Rezultatet sipas subjekteve politike (KQZ, ora 19:41)
– Lëvizja VETËVENDOSJE! – 50,64% (471.606 vota) – 57 ulëse*
– Partia Demokratike e Kosovës (PDK) – 20,42% (190.190 vota) – 23 ulëse*
– Lidhja Demokratike e Kosovës (LDK) – 13,31% (123.930 vota) – 14 ulëse*
– AAK – Aleanca për Ardhmërinë e Kosovës – 5,53% (51.488 vota) – 6 ulëse*
– Srpska Lista – 4,58% (42.636 vota) – 9 ulëse*
– Nisma Socialdemokrate (NISMA) – 1,62% (15.093 vota)
*Shënim: Në tabelën e KQZ-së shfaqen edhe ulëset (me yll), të cilat paraqiten si llogaritje/indikacion paraprak dhe mund të ndryshojnë me përfundimin e numërimit dhe përpunimin final të të dhënave.
Meqenëse tashmë është numëruar pjesa dërrmuese e vendvotimeve, ndryshimet pritet të jenë më të vogla krahasuar me fazat e mëhershme të numërimit, megjithatë KQZ thekson se bëhet fjalë për rezultate paraprake, të cilat mund të pësojnë lëvizje deri në publikimin e rezultateve përfundimtare.
