1
Shërbimi Korrektues i Kosovës i ka pezulluar nga detyra pesë zyrtarë korrektues për shkak të dyshimeve për keqpërdorim të armëve zyrtare.
SHKK tha se vendimin e mori pas pranimit të një raporti nga organet e ndjekjes.
“Shërbimi Korrektues i Kosovës njofton opinionin publik se, pas pranimit të raportit fillestar nga organet e ndjekjes, ka marrë vendim për pezullimin nga detyra të pesë zyrtarëve korrektues, të cilët dyshohen për keqpërdorim të armëve zyrtare”, thuhet në njoftim.
Shërbimi Korrektues i Kosovës thotë se mbetet “i përkushtuar për të vepruar gjithmonë në bazë të ligjit dhe për të garantuar mbarëvajtjen e procedurave ligjore”.
Shërbimi Korrektues i KosovësPesë zyrtarë korrektues
