Organizatat e Shoqërisë Civile kanë organizuar të martën performancë simbolike në lidhje me bllokimin e konstituimit të Kuvendit të Kosovës.
Kjo performancë u organizua në sheshin “Ibrahim Rugova”.
Para objektit të Kuvendit, u vendosën karrige me mbishkrime të ndryshme si: “Karrigia është, deputeti mungon”, “120 rroga, zero përgjegjësi”, “Pushteti është përgjegjësi publike, jo privilegj partiak!”, “Për me punu, ju kemi votu”, “BOLL!”, “Kuvendi? Mbyllur për inate personale”, e të tjera.
OJQ-të u mblodhën në këtë performancë simbolike para mbajtjes së seancës së 22-të për konstituimin e Kuvendit të Kosovës.
